तमिलनाडुका मुख्यमन्त्री विजय थलपतिले गरे भारु.५० हजारसम्मको ऋण पूर्ण रूपमा मिनाहा गर्ने घोषणा

काठमाण्डौ । भारतको तमिलनाडु राज्यका मुख्यमन्त्री विजय थलपतिले सहकारी बैंकमार्फत लिइएका बाली ऋणमध्ये सिमान्तकृत किसानको ५० हजार भारतीय रुपैयाँसम्मको ऋण पूर्ण रूपमा मिनाहा गर्ने घोषणा गरेका छन्।

मुख्यमन्त्री विजयले ठूला किसानलाई पनि राहतस्वरूप ५ हजार रुपैयाँ उपलब्ध गराइने बताएका छन्। यो निर्णय सचिवालयमा सम्पन्न उच्चस्तरीय समीक्षा बैठकपछि सार्वजनिक गरिएको हो। 

बैठकमा कृषि तथा किसान कल्याण मन्त्री आर. विनोथ, सहकारिता मन्त्री वी. गांधीराज, वित्त मन्त्री एन. मेरी विल्सन तथा अन्य वरिष्ठ अधिकारी सहभागी थिए।

तमिलनाडु सरकारका अनुसार यस योजनाबाट करिब १४ लाख २२ हजार किसान लाभान्वित हुनेछन्। ऋण मिनाहा कार्यक्रम कार्यान्वयनका लागि राज्य सरकारलाई थप २,०४४.४६ करोड रुपैयाँ खर्च हुने अनुमान गरिएको छ।