सुनको मूल्यमा उच्च गिरावट, प्रतितोला कतिमा झर्यो ?

काठमाण्डौ । स्थानीय बजारमा सुनको मूल्यमा उच्च गिारवट आएको छ । मंगलबार अघिल्लो दिनको तुलनामा सुन ४ हजार ५ सय रुपैयाँले सस्तिएको हो ।

नेपाल सुनचाँदी व्यवसायी महासंघका अनुसार आज यो गिरावटसँगै सुनको भाउ प्रतितोला २ लाख ७७ हजार ९ सय रुपैयाँ निर्धारण भएको छ ।

अघिल्लो दिन भने एक तोला सुनको मूल्य २ लाख ८२ हजार ४ सय रुपैयाँ कायम थियो ।

यस्तै आज १० ग्राम सुनको मूल्य २ लाख ३८ हजार २५५ रुपैयाँ कायम भएको छ ।

सुनसँगै आज चाँदी पनि सस्तिएको छ । चाँदीको भाउ २५ रुपैयाँले घट्दै प्रतितोला ४ हजार २८५ रुपैयाँमा सीमित बनेको छ ।