.gif)
(2).gif)
_(1).gif)
.png)
काठमाण्डौ । कोलम्बियाले इजरायलयलाई कोईला नियार्तमा रोक लगाएको छ । शनिबार कोलम्बियाका राष्ट्रपति गुस्ताभो पेट्रोले इजरायलमा गर्दै आएको कोइला निर्यातमा रोक लगाइएको बताएका हुन् ।
कोलम्बिया इजरायललाई कोइला आपूर्ति गर्ने सबैभन्दा ठूलो आपूर्तिकर्ता हो । इजरायलले गाजामाथि गरेको आक्रमणका कारण कोलम्बियाले कोइला निर्यातमा रोक लगाएको र यो निर्णय ५ दिनपछि कार्यान्वयनमा आउने जनाइएको छ ।
इजरायलले हात हतियार र अन्य सैनिक सामाग्री बनाउनका लागि उर्जाको स्रोतको रुपमा कोइलालाई प्रयोग गर्दै आईरहेको छ । इजरायल आफ्नो कुल विद्युत उत्पादनको २० प्रतिशत कोइलामा निर्भर रहँदै आईरहेको छ ।
वामपन्थी धारका पेट्रोले गत मे महिनामा इजरायलसँगेको कुटनैतिक सम्बन्ध तोड्दै प्रधानमन्त्री बेन्जामिन नेतान्हुको चर्को आलोचना गरेका थिए ।
.gif)
शनिबार राष्ट्रपति पेट्रोले सामाजिक सञ्जाल एक्समा पोष्ट गर्दै गाजामा इजरायलले नरसंहार बन्द नगरेसम्मका लागि कोइला आपूर्ति बन्द गरिने लेखेका छन् । उनले यो आक्रमणमा प्यालेस्टीनीहरुले ज्यान गुमाईरहेको बताएका छन् ।
इजरायलले भने यो आरोपको खण्डन गरेको छ ।
सरकारले इजरायलमाथि कोइला नियार्तमा रोक लगाउने निर्णयको त्यहाँका निजी खानी संगठनहरुले भने विरोध गरेका छन् । उनीहरुले सरकारको यस्तो निर्णयले अन्तराष्ट्रिय सम्झौताको उल्लंघन हुने र बजारको आत्मविश्वास र वैदेशिक लगानी जोखिममा पर्ने चेतावनी दिएका छन् ।
कोलम्बिया विश्वको ५ औं ठूलो कोइला उत्पादक देश हो । कोलम्बियाले गत वर्ष ५६.७ मिलयन मेट्रिक टन कोइला विदेश निर्यात गरेको थियो । जसमध्ये ३ मिलियन टन इजरायलमा निर्यात भएको थियो । जुन कुल निर्यातको ५.४ प्रतिशत हुन आउँछ । -एजेन्सी
.png)
.jpg)
.jpg)
(1).gif)
.gif)
