.gif)
(2).gif)
_(1).gif)
.png)
काठमाण्डौ । भारतका केही प्रमुख शहरहरुमा लसूनको मूल्य होस उड्ने गरी बढिरहेको छ । नेपालमा समेत भारतीय लसून उपलब्ध हुँदै आएकोमा अचाक्ली मूल्य बढेपछि आयात लगभग ठप्प जस्तै बनेको छ ।
भारतमा आलूप्याजको मूल्य लगातार घटिरहेको, तर लसूनको मूल्य चाहिँ सुनको मूल्य झै दैनिकजसो बढिरहेको भारतीय सञ्चारमाध्यमहरुले जनाएका छन् ।
.gif)
कोलकातादेखि अहमावादसम्म लसूनको मूल्य बढेर प्रतिकेजी ४५० देखि ५०० भारुसम्म पुगेको छ । यो मूल्य भनेको नेपाली रुपैयाँ ८०० हो । अर्थात भारतमा एककेजी लसूनको मूल्य प्रतिकेजी ८०० रुपैयाँ पुगेको छ ।
भारतमा लसूनको मूल्यमा १५ दिनको अवधिमा यति ठूलो बढोत्तरी भएको हो । किनभने यो अवधिमा २०० भारुसम्म उपलब्ध भइरहेको लसूनको मूल्य अधिकतम ५०० भारुसम्म पुगेको हो ।
देशमा यो वर्ष लसूनको उत्पादन घटेका कारण जाडोमा बढी माग हुने हुँदा बजार भाउमा आगो लागेको विज्ञहरुलाई उद्धृत गर्दै मिडिया रिपोर्टहरुमा जनाइएको छ ।
केही महिनाअघि भारतीय बजारमा प्याजको मूल्यमा अचाक्ली वृद्धि हुँदा उपभोक्ताको बजेट प्रभावित भएको थियो । तर, अहिले प्याजको मूल्य निकै तल आइसकेको छ । अब लसूनको बढ्ने पालो आएको र यो मूल्य बढेर अझै कति माथि पुग्ने हो, त्यो टुंगो नभएको कृषि बजारका विज्ञहरुले बताएका छन् ।
नेपालमा कति छ मूल्य ?
नेपालमा आन्तरिक रुपमा उत्पादन भएको लसूनको मूल्य महंगो भइसकेको छैन । हरियो नेपाली लसूनको मूल्य बजारमा प्रतिकेजी अधिकतम ११६ रुपैयाँ रहेको छ ।
सुकेको चाइनिज लसूनको मूल्य भने बढेर प्रतिकेजी रु. ३६० पुगिसकेको छ ।
सुकेको चाइनिज लसूनको मूल्य नेपालमा १५ दिनअगाडि प्रतिकेजी २५० रुपैयाँ मात्र थियो ।
यस्तै, हरियो नेपाली लसूनको मूल्य पनि १५ दिन अगाडि ९५ रुपैयाँ प्रतिकेजीमा सीमित थियो ।
नेपालमा पनि लसूनको मूल्यमा लगातार बढोत्तरी भइरहेको देखिएको छ ।
.png)
.jpg)
.jpg)
.jpg)
.jpg)
.jpg)
(1).gif)
.gif)
