एआईको प्रयोग गरेको पाइएमा परीक्षा रद्द गर्ने त्रिविको निर्णय

काठमाण्डौ । त्रिभुवन विश्वविद्यालयले कृत्रिम बौदिकता(एआई)को प्रयोगमा प्रतिबन्ध लगाएको छ । त्रिविले विश्वविद्यालयद्वारा सञ्चालित जुनसुकै तहको परीक्षामा एआईको प्रयोग गरेको पाइएमा परीक्षा रद्द हुने जनाएको छ ।

त्रिवि परीक्षा सुधार समितिका अध्यक्ष एवं शिक्षाध्यक्ष प्राडा खड्क केसीको अध्यक्षतामा सोमबार भएको बैठकले यस्तो निर्णय गरेको हो ।

एआईका कारण विद्यार्थीको मौलिकता र सिर्जनाशीलता कमजोर हुँदै गएको तथा प्रविधिको माथिको बढ्दो निर्भताले पठन संस्कृति कमजोर हुने तथा चोर्ने प्रवृत्ति देखिएकाले परीक्षामा त्यस्ता प्रविधिको प्रयोग निरुत्साहित गर्ने उद्देश्यले यस्तो निर्णय भएको जनाइएको छ ।