नेपाल–भारत व्यापार प्रवर्द्धनमा नेपाल इटाली चेम्बर अफ कमर्स र इटालियन महावाणिज्यदूतबीच छलफल

काठमाण्डौ । नेपाल इटाली चेम्बर अफ कमर्स एन्ड इन्डस्ट्री(एनआईसीसीआई)ले काठमाण्डौमा कोलकत्ताका इटालीका महावाणिज्यदूत रिकार्डो डाल्ला कोस्टासँग द्विपक्षीय बैठक सम्पन्न गरेको छ । 

बैठकमा एनआईसीसीआईका अध्यक्ष संजय अग्रवाल र नेपालका लागि इटालीका मानार्थ महावाणिज्य दूत श्रीमती प्रतिमा पाण्डे पनि उपस्थित थिए ।  

बैठकमा नेपाल र भारतबीच व्यापार वृद्धि गर्न विशेष गरी उत्पादन, कृषि, पर्यटन र प्रविधि जस्ता क्षेत्रमा जोड दिइएको थियो । एनआईसीसीआई बोर्ड र महावाणिज्यदूतबीच आगामी व्यापार मेलाहरू र व्यावसायिक भेटघाटहरूको योजना पनि छलफल भएको थियो । जसले दुई देशबीचको व्यापारिक सहकार्य र लगानी प्रवर्द्धन गर्न सहयोग पुर्याउने विश्वास गरिएको छ ।

दुवै पक्षले नेपाल, भारत, र इटालीबीचको आर्थिक सम्बन्धलाई सुदृढ बनाउन र व्यापारिक वृद्धि प्रबर्द्धन गर्न प्रतिबद्धता व्यक्त गरे ।