‘५० वटा शाखा बन्द गर्न राष्ट्र बैंक समक्ष कुनै निवेदन दिइएको छैन’: एनआईसी एशिया बैंक

काठमाण्डौ । एनआईसी एशिया बैंकले शाखा कार्यालयहरू बन्द गर्न लागेको भन्ने समाचारको खण्डन गरेको छ ।

बैंकले एक प्रेस विज्ञप्ती जारी गर्दै केही सञ्चार माध्यममा बैंकले आफ्ना ५० शाखाकार्यालयहरू बन्द गर्न लागेको र सोको स्वीकृतीको लागि नेपाल राष्ट्र बैंक समक्ष निवेदन दिएको भनी समाचार प्रकाशित भएकोमा त्यसमा कुनै सत्यता नभएको जनाएको छ ।

यसका साथै बैंकले कुनै पनि शाखा कार्यालयहरू बन्द गर्ने बैंकको रणनीति तथा योजना नरहेको र ५० वटा शाखा बन्द गर्न राष्ट्र बैंक समक्ष निवेदन दिएको विषय कपोलकल्पित तथा भ्रामक रहेको जनाएको छ ।

यस्ता समाचारबाट भ्रमित नहुन बैंकद्वारा जारी विज्ञप्तीमा उल्लेख गरिएको छ ।