महालक्ष्मी विकास बैंकको बोनस सेयर सेयरधनीहरुको हितग्राही खातामा जम्मा

काठमाण्डौ । महालक्ष्मी विकास बैंक लिमिटेडले गत आव २०८०÷८१ का लागि पारित बोनस सेयर सेयरधनीको हितग्राही (डिम्याट) खातामा जम्मा गरेको छ ।

बैंकले एक सूचना जारी गर्दै गत पुस २९ गते सम्पन्न २३ औं वार्षिक साधारणसभाबाट पारित ३ प्रतिशत बोनस सेयर सेयरधनीको डिम्याट खातामा जम्मा गरेको जनाएको छ ।

बैंकले उक्त बोनस सेयर बुक क्लोज हुँदाका बखत अभौतिक रुपमा सेयर धारण गरेका सेयरधनीहरुको डिम्याट खातामा चैत १४ गतेदेखि जम्मा गरेको हो । बैंकले भौतिक रुपमा सेयर धारण गरेकालाई आफ्नो सेयर अभौतिकीकरण गर्न समेत आग्रह गरेको छ ।