प्रधानमन्त्री ओली र भारतीय समकक्षी मोदीबीच टेलिफोन संवाद

काठमाण्डौ । प्रधानमन्त्री केपी शर्मा ओली र भारतीय समकक्षी नरेन्द्र मोदीबीच टेलिफोन संवाद भएको छ । प्रधानमन्त्री ओलीले आफ्नो आधिकारीक एक्स अकाउन्टमार्फत भारतीय प्रधानमन्त्री मोदीसँग टेलिफोन संवाद भएको बताएका हुन् ।  

ऊक्त टेलिफोन संवादमा मंगलबार जम्मू–काश्मिरको पहलगाममा भएको आतंकवादी हमलामा ज्यान गुमाएकाप्रति गहिरो संवेदना प्रकट गरेको ओलीले लेखेका छन् । ‘त्यस्ता जघन्य कार्यहरू विरुद्ध भारतसँग नेपालको दृढ ऐक्यबद्धता दोहोर्याइएको छ’ उनले लेखेका छन् । प्रधानमन्‍त्री मोदीले पनि नेपाली नागरिकको मृत्यु भएकोमा समवेदना प्रकट गरेका छन् ।  

मंगलबार भारतको कश्मिरमको पहालगाममा भएको आतंकवादी हमलामा २६ जनाको मृत्यु भएको थियो। जसमा बुटवलका सुदीप न्यौपानेले पनि ज्यान गुमाएका छन्।