.gif)
(2).gif)
_(1).gif)
.png)
काठमाण्डौ । मुक्तिनाथ क्यापिटल लिमिटेड र राईजिङ हाइड्रोपावर लिमिटेडबीच संस्थागत परामर्श सेवा सम्बन्धी दुई पक्षीय सम्झौता सम्पन्न भएको छ । मुक्तिनाथ क्यापिटलले संस्थागत परामर्श सेवाअन्तर्गत कुनै पनि क्षेत्रका कम्पनीहरुलाई कम्पनीको स्थापनाकालदेखि सर्वसाधारणलाई प्राथमिक सेयर निष्काशन(आईपीओ) जारी गर्ने चरणसम्म पुर्याउन आवश्यक सम्पूर्ण परामर्श सेवा उपलब्ध गराउदै आईरहेको छ ।
एक कार्यक्रमका बिच राईजिङ हाइड्रोपावरका तर्फबाट अध्यक्ष शंकर बहादुर घिमिरे र मुक्तिनाथ क्यापिटलका तर्फबाट प्रमुख कार्यकारी अधिकृत कबिन्द्र ध्वज जोशीले उक्त सम्झौतापत्रमा हस्ताक्षर गरेका छन् । संस्थागत परामर्श सेवा सहित आवश्यक पूँजी संरचना परिवर्तन परामर्श लिन तथा कम्पनीको प्रबन्धपत्रमा उल्लेखित उद्देश्य वमोजिम कार्य गर्न आवश्यक सहजिकरणको लागि उक्त सम्झौता गरिएको हो ।
.gif)
राइजिङ हाइड्रोपावर कम्पनी नेपालको जलविद्युत् क्षेत्रमा दिगो विकास र स्वदेशी स्रोतको सदुपयोगमार्फत ऊर्जा उत्पादनमा समर्पित एक अग्रणी संस्था हो । कम्पनीको स्थापना २०६२ साल फागुन २२ गते भएको हो । सिन्धुपाल्चोक जिल्लामा अवस्थित कम्पनीको प्रमुख आयोजना सेलाङ खोला साना जलविद्युत् आयोजना (९९० किलोवाट) ले वार्षिक ६.७७ गीगावाट विद्युत् उत्पादन गरी राष्ट्रिय प्रसारण प्रणालीमा आपूर्ति गर्दै आएको छ । यस आयोजनाको कमर्सियल अपरेशन डेट(सीओडी) २०८१ भदौ २ गते रहेको छ ।
२०८१ साल चैत्र २७ गतेको साधारण सभाबाट कम्पनीले प्राइभेट कम्पनीबाट पब्लिक कम्पनीको रुपमा परिणत गर्न र आफ्नो नाम परिवर्तन गरी टेनेक्स हाईड्रो होल्डिङ लिमिटेडको नाम राख्ने प्रस्ताव पारित भएकोले उक्त नयाँ नामबाट कारोबार गर्न कम्पनी रजिष्ट्रारको कार्यालयमा निवेदन पेश गरेको छ ।
आव २०८२/८३ भित्र सर्वसाधारणलाई सेयर निष्काशन गरी रु. ४० करोड चुक्तापूँजी पुर्याउने कम्पनीले जानकारी गराएको छ । यस कम्पनीले अन्य विभिन्न पाँचवटा जलविद्युत् कम्पनीहरुमा लगानी प्रर्वधन गर्ने समेत लक्ष्य रहेको जानकारी गराएको छ ।
.png)
(196).jpg)
(1)(1)(5).jpg)
.jpg)
(1).gif)
.gif)
