(1).gif)
(2).gif)
.jpg)
(1).gif)
.png)
काठमाण्डौ । सनराइज होल्डिङ्गस् लिमिटेडले सर्वसाधारणका लागि आईपीओ जारी गर्ने भएको छ । कम्पनीले आईपीओ निष्कासनको विशेष प्रस्तावसहित वार्षिक साधारण सभा डाकेको छ । भदौ १९ गते बसेको कम्पनीको सञ्चालक समितिको बैठकले आगामी असोज १२ गते कम्पनीको दोस्रो वार्षिक साधारण सभा आयोजना गर्ने निर्णय गरेको हो ।
उक्त सभा काठमाण्डौको कमलादीमा रहेको कम्पनी रजिष्टर्डको कार्यालयमा बिहान साढे ११ बजेदेखि सुरु हुनेछ ।
.gif)
सभामा सार्वजनिक रुपमा सर्वसाधारणलाई सेयर जारी गर्ने, आईपीओ निष्कासन गर्ने क्रममा नियमनकारी निकायबाट प्रबन्धपत्र तथा नियमावलीमा कुनै संशोधन गर्न निर्देशन प्राप्त भएमा सोही बमोजिम गर्न सञ्चालक समितिलाई निर्देशन दिने र पूँजी वृद्धिसहित कम्पनीको प्रबन्धपत्र तथा नियमावलीमा आवश्यक संशोधन गर्ने विशेष प्रस्तावहरु पारित गरिनेछ ।
यस्तै गत आवको वार्षिक प्रतिवेदन तथा सम्पूर्ण वित्तीय विवरणहरु समेत पारित गरिनेछ ।
कम्पनीले सर्वसाधारणका लागि २४ करोड रुपैयाँबराबरको रु।१०० अंकित दरका २४ लाख कित्ता आईपीओ जारी गर्ने तयारी गरेको छ । आईपीओ निष्कासन प्रयोजनका लागि कम्पनीले लक्ष्मी सनराइज क्यापिटललाई निष्काशन तथा बिक्री प्रबन्धक नियुक्त गरिसकेको छ ।
.png)
.jpg)
(1)(1).jpg)
.jpg)
(1).jpg)
_(1).gif)
