नारायणी डेभलपमेन्ट बैंकको लिलामी सेयरको शिलबन्दी बोलपत्र आज खोलिने

काठमाण्डौ । नारायणी डेभलपमेन्ट बैंक लिमिटेडको लिलामी सेयरको शिलबन्दी बोलपत्र आज खोलिने भएको छ । उक्त शिलबन्दी बोलपत्र काठमाण्डौको नक्सालमा रहेको बिक्री प्रबन्धक ग्लोबल आईएमई क्यापिटलको कार्यालयमा बिहान ९ बजे खोलिने छ ।

बैंकले गत माघ १८ गतेदेखि फागुन ४ गतेसम्म ३ लाख ६ हजार ५९७ कित्ता अवितरित हकप्रद सेयर बोलकबोल प्रक्रियामार्फत बिक्रीमा राखेको थियो ।

बैंकले गत मंसिर ११ गतेदेखि २५ गतेसम्म लिलामीमार्फत ६ लाख २१ हजार ६०६ कित्ता सेयर बिक्रीमा राखेको थियो । कुल सेयर संख्यामा संस्थापक समूहतर्फको ६ लाख ३ हजार १६२ कित्ता र सर्वसाधारण समूहको १८ हजार ४४४ कित्ता रहेको थियो । जसअन्तर्गत संस्थापक समूहको २ लाख ९६ हजार ५६५ कित्ता संस्थापक समूहतर्फको र १८ हजार ४४४ कित्ता सर्वसाधारण समूहतर्फको सेयर गत पुस ६ गते बाँडफाँड भएको थियो ।