इन्फिनिटी लघुवित्तको नाफामा उछाल, इपीएस २०.३१ रुपैयाँ

काठमाण्डौ । इन्फिनिटी लघुवित्त वित्तीय संस्थाको नाफामा उछाल आएको छ । संस्थाले चालु आवको तेस्रो त्रैमाससम्म ७ करोड ५७ लाख रुपैयाँ नाफा कमाएको छ ।  

यो नाफा गत आवको सोही अवधिसम्मको तुलनामा ११३६४.७५ प्रतिशत बढी हो । गत आवको सोही अवधिसम्म संस्थाले जम्मा ६ लाख ६१ हजार रुपैयाँ मात्रै नाफा कमाएको थियो ।  

सो अवधिसम्म संस्थाको इम्पेयरमेन्ट चार्ज रिभर्सल हुँदा नाफा वृद्धिमा टेवा पुगेको हो । गत आवको तेस्रो त्रैमाससम्म ९ करोड ५७ लाख रुपैयाँ इम्पेयरमेन्च चार्ज तिरेको संस्थाको सो अवधिसम्म १२ लाख ५५ हजार रुपैयाँ यस्तो चार्ज रिभर्सल भएको छ । संस्थाको चार्ज रिभर्सल हुँदा उक्त रकम खुद नाफामा जोडिन पुगेको हो ।

साथै संस्थाको खुद ब्याज आम्दानी १३.३४ प्रतिशतले वृद्धि भएको छ । गत आवको तेस्रो त्रैमाससम्म २५ करोड ५५ लाख रुपैयाँ ब्याज आम्दानी गरेको यो संस्थाले यस अवधिसम्म २८ करोड ९६ लाख रुपैयाँ ब्याज आम्दानी गरेको छ ।  

संस्थाको खराब कर्जा अनुपात भने १४.३५ प्रतिशतबाट बढेर २३.९३ प्रतिशत पुगेको छ । साथै पूँजीकोष सामान्य घटेर ९.४५ प्रतिशत, कस्ट अफ फण्ड ६.४३ प्रतिशत, बेस रेट १२.२८ प्रतिशत र स्प्रेड दर ८.५२ प्रतिशत पुगेको छ ।

समिक्षा अवधिसम्म संस्थाको इपीएस ०.१८ रुपैयाँबाट बढेर २०.३१ रुपैयाँ पुगेको छ भने प्रतिसेयर नेटवर्थ १४०.०७ रुपैयाँ, मूल्य आम्दानी अनुपात ४९.०१ गुणा र तरलता अनुपात ८.५० प्रतिशत रहेको छ ।

संस्थाको वितरणयोग्य मुनाफा भने सो अवधिसम्म ८० लाख ४५ हजार रुपैयाँ ऋणात्मक रहेको छ ।