रास्वपाको महाधिबेशन लम्बिएपछि प्रतिनिधिसभाको बैठक विशेष कारण भन्दै सारियो, अब असार १२ गते बस्ने

काठमाण्डौ । प्रतिनिधिसभाको बैठक निर्धारित समयबाट एक दिन पछि सारिएको छ।

संघीय संसद् सचिवालयले विशेष कारण देखाउँदै बिहीबार (असार ११) का लागि तय गरिएको बैठक अब शुक्रबार (असार १२) का लागि पुनः तालिका निर्धारण गरिएको जनाएको छ।

सचिवालयले सार्वजनिक गरेको सूचनामा प्रतिनिधिसभा नियमावली, २०८३ को नियम ६ को उपनियम (३) अनुसार बैठकको मिति र समय परिवर्तन गरिएको उल्लेख छ।  

यद्यपि बैठक सार्नुको विस्तृत कारण भने खुलाइएको छैन।

यसअघि तय गरिएको कार्यसूचीअनुसार बिहीबार संसद् बैठक बस्ने तयारी गरिएको थियो। 

तर, अन्तिम समयमा आएको परिवर्तनपछि अब सांसदहरू शुक्रबारको बैठकका लागि तयारीमा जुटेका छन्।

संसद् सचिवालयले बैठकको नयाँ समय र कार्यसूचीबारे आवश्यक सूचना पछि प्रकाशित गरिने जनाएको छ।