ह्याप्पीडेन्ट बन्यो एनपीएलको आधिकारिक स्पार्कलिंग स्माइल पार्टनर

काठमाण्डौ । च्युइङगम ब्रान्ड ह्याप्पीडेन्ट नेपाल प्रिमियर लिग(एसनपीएल) सँग सिजन १ को लागि स्पार्कलिंग स्माइल पार्टनरको रूपमा आवद्ध भएको छ । यससम्बन्धी कम्पनी र नेपाल क्रिेकेट संघ क्यानबीच आधिकारिक साझेदारी भएको छ ।

यो सम्झौताले थप ऊर्जा, उत्साह र जोश थपिएको कम्पनीले जनाएको छ ।

आधिकारिक स्पार्कलिंग स्माइल पार्टनरको रूपमा ह्याप्पीडेन्टले एनपीएल सिजनभर प्रशंसक र खेलाडीहरूका लागि आफ्नो स्पार्कलिंग स्माइल अनुभव ल्याउने कम्पनीले जनाएको छ । यो साझेदारीले आफ्नो मनपर्ने टोलीहरूलाई समर्थन गर्दा फ्यानहरूलाई आत्मविश्वास महसुस गर्न प्रोत्साहित गर्दै उज्यालो मुस्कानको शक्ति मनाउनमा केन्द्रित हुने कम्पनीको विश्वास छ।