गणपति लघुवित्तको नाफामा सामान्य सुधार, आम्दानी र ईपीएस कति ?

काठमाण्डौ । गणपति लघुवित्त वित्तीय संस्था लिमिटेडको नाफामा सामान्य सुधार आएको छ । संस्थाले चालु आवको दोस्रो त्रैमाससम्म १ करोड २३ लाख रुपैयाँ खुद नाफा आर्जन गरेको छ । यो रकम अघिल्लो आवको सोही अवधिको तुलनामा १४.९७ प्रतिशतले बढी हो । अघिल्लो आवको सोही अवधिसम्म संस्थाले १ करोड ७ लाख रुपैयाँ नाफा आर्जन गरेको थियो ।  

संस्थाको खुद ब्याज आम्दानी ४२.९४ प्रतिशतले बढ्दै ७ करोड ५० लाख रुपैयाँ पुगेको छ । संस्थाको खुद सञ्चालन आम्दानी ८ करोड ४६ लाख रुपैयाँ पुगेको छ । जुन अघिल्लो आवमा ७ करोड ४२ लाख रुपैयाँमा सीमित थियो ।  

यस्तै संस्थाको सञ्चालन मुनाफा १ करोड ७६ लाख रुपैयाँ रहेको छ । संस्थाको कर्मचारी खर्च ५ करोड १० लाख र अन्य सञ्चालन खर्च १ करोड ४७ लाख रुपैयाँ रहेको छ ।  

संस्थाको निक्षप संकलन ४८ करोड ६३ लाख रुपैयाँबाट घटेर ४७ करोड १९ लाख रुपैयाँमा सीमित भएको छ ।  

कर्जा प्रवाह भने २ अर्ब ५ करोडबाट बढेर २ अर्ब ११ करोड रुपैयाँ पुगेको छ । संस्थाको रिटेन्ड अर्निङ ८३ लाख ३० हजार रुपैयाँ र रिजर्भ ४ करोड २ लाख रुपैयाँ रहेको छ । यस्तै संस्थाको वितरणयोग्य मुनाफा ८३ लाख ३० हजार रुपैयाँ रहेको छ ।  

अघिल्लो आवको दोस्रो त्रैमाससम्ममा ४.६६ प्रतिशत रहेको संस्थाको खराब कर्जा अनुपात घटेर ४.१३ प्रतिशतमा खुम्चिएको छ ।  

समीक्षा अवधिसम्म संस्थाको प्रतिसेयर आम्दानी(ईपीएस) १६.३० रुपैयाँ, प्रतिसेयर नेटवर्थ १३२.०८ रुपैयाँ,प्रतिसेयर कुल सम्पत्तिको मूल्य १ हजार ५९०.३१ रुपैयाँ,मूल्य आम्दानी अनुपात १०६.१५ गुणा र तरलता अनुपात ८.५४ प्रतिशत कायम भएको छ ।