नयाँ वर्षदेखि पूँजीबजारका तीन निकायको नयाँ सुरुवात, अबदेखि हरेक महिना संयुक्त बैठक बस्ने

काठमाण्डौ। नयाँ वर्षदेखि पूँजी बजारका तीन निकाय नेपाल धितोपत्र बोर्ड(सेबोन) , नेपाल स्टक एक्सचेञ्ज(नेप्से) र सीडीएससीले अब हरेक महिना नियमित संयुक्त बैठक गर्ने भएका छन् । नेप्सेका प्रमुख कार्यकारी अधिकृत चूणामणी चापागाईले दिएको जानकारी अनुसार ‘अब धितोपत्र बजार र लगानीकर्ताको हितका लागि यी तीन निकायबीच हरेक महिना नियमित बैठक हुने भएको हो ।  

खासगरि विगतमा धितोपत्र बोर्ड , नेप्से र सीडीएससीबीच पानी बारा बारको अवस्था हुने गर्थ्यो ।  पछिल्लोपटक धितोपत्र बोर्डले नेप्सेका अधिकार नै कटौति गरेर खुमलटार सारे पछि यो समस्या झनै बढेको थियो । विगतमा  नयाँ ब्रोकरहरुलाई लाइसेन्स दिने कामदेखि अन्य विविध विषयमा नेप्से र सेबोनबीच द्धन्द नै चल्ने गरेको छ ।  

नेप्सेले ब्रोकरलाई  लाइसेन्स दिने लगायत अन्य प्रडक्ट ल्याउने विषय आफ्नो क्षेत्राधिकार भित्र पर्ने तर धितोपत्र बोर्डले अधिकार कटौति गरेको आरोप लगाउँदै आएको छ । कतिपय समयमा नेप्सेबाट गएका पत्र तथा कार्ययोजनाहरु धितोपत्र बोर्डसम्म महिनौ नपुग्ने तथा फाइल नै हराउने गरेको पनि नेप्सेले गुनासो गर्दै आएको छ ।  

त्यसैगरि नेप्से र सीडीएससीबीच पनि विगतमा केही द्धन्द्ध चल्ने गरेका थिए । खासगरि सीडीएसीको पूँजी संरचनाको विषयलाई लिएर केही विवाद देखिन्थ्यो भने माथिल्लो निकायबाट  सीईओको विदेश भ्रमण स्वीकृति नदिएको जस्ता गुनासो समेत सुन्ने गरिन्थ्यो । लगानीकर्ताहरु आन्दोलित हुँदा पनि नेप्से र सेबोनबीच फरक फरक विचार तथा धारणाहरु बाहिर आउने गर्थे  ।  

विेशष गरी तीन निकायहरु बीचमा काम ,कर्तब्य र अधिकारकै विषयमा बढी विवाद देखिन्छ । कूनै समयमा पूँजीबजार निकै बढ्दा तथा घटेको अवस्थाम यी निकायबीच के कसरी सम्बोधन गर्ने भनेर समन्वयको अभाव देखिन्थ्यो । नेप्से सीइओ चापागाईका अनुसार यी सबै विषय चिर्ने उद्देश्यले नै अबदेखि सेबोन ,नेप्से र सीडीएससीबीच हरेक महिना नियमित बैठक बस्ने सहमति भएको छ ।

उनले भने, ‘अहिले नै मन्त्रीपरिषद बैठक जसरी यो दिन भनेर तोकेका छैनौं ।  तर अब लगानीकर्ताहरुको हितको लागि भए पनि नियमित बैकक बस्छौ ।’ यसै गरि सीडीएससीले पनि अबदेखि बैठकलाई निरन्तरता दिँदै नेप्सेको प्रविधि प्रणालीलाई चुस्त दुरुस्त र अद्यावधिक बनाउँदै जाने विषयमा आज छलफल भएको बताएको छ । आजको भेटमा सेबोनबाट नियमन विभागका प्रमुख मुक्ति श्रेष्ठ र सुपरिबेक्षण विभागका प्रमुख रुपेष श्रेष्ठको पनि सहभागिता रहेको थियो ।