एप्पलले पूर्ण रूपमा सिसाबाट बनेको आईफोन ल्याउने !

काठमाण्डौ । यतिेबला यो वर्ष लञ्च हुने आईफोन १७ सिरिजभन्दा बढी चर्चा आगामी आईफोनको बारेमा भइरहेको छ । एप्पलले २०२७ मा आफ्नो २० औं वार्षिकोत्सव मनाउन गइरहेको छ। सो अवसरमा एप्पलले आईफोन एक्सको समयमा दिएको जस्तो सरप्राइज दिने विश्वास गरिएको छ ।  एप्पलले पूर्ण रूपमा सिसाबाट बनेको आईफोन लन्च गर्न सक्ने रिपोर्टहरु सार्वजनिक भएका छन्। कम्पनीले सन् २०२७ मा ल्याउन लागेको आईफोन १९ प्रो सम्पूर्ण रुपमा सिसाबाट बनाउन सम्ने जनाइएको छ ।  

यससँग सम्बन्धित ब्लूमबर्गको रिपोर्टले आईफोन १९ प्रोमा सिसाको व्यापक प्रयोग हुने पनि जनाएको छ । यसको किनारा घुमाउरो हुनेछ र यो काँचको टुक्रा जस्तो देखिनेछ।

एप्पलले सन् २०१७ मा आईफोन एक्स लन्चको समयमा आईफोनको डिजाइनमा ठूलो परिवर्तन गरेको थियो। एप्पलले पहिले नै सामसुङ र एलजीसँग आफ्नो आईफोन १९ प्रो मोडेलको डिस्प्लेको बारेमा कुरा गरिरहेको छ। रिपोर्टमा यो विशेष आईफोनको डिस्प्ले चारै किसिमले बन्ट हुने दाबी गरिएको छ । यसको मतलब यो चारैतिर घुमाउरो डिस्प्लेको साथ आउनेछ । जसले फोनको बटन क्षेत्र पनि कभर गर्नेछ। जसका कारण यस आईफोनमा अगाडि, पछाडि र छेउबाट मात्र सिसा देखिनेछ र यो सिसाको स्ल्याब जस्तो देखिनेछ।

यो आईफोनमा कुनै पोर्ट वा बटन हुनेछैन। अर्थात् यो फोनमा न त चार्जिङ पोर्ट हुनेछ न भोल्युम वा पावर बटन। एप्पलले पोर्ट र बटन रहित आईफोन लन्च गर्ने तयारी गरिरहेको आइफोनको बारेमा यसअघि पनि रिपोर्ट आएको थियो । अहिले आईफोन १९ प्रोसँग सम्बन्धित यी रिपोर्टहरुले त्यही कुरालाई दोहोराईरहेका छन् । केहि वर्ष पहिले साओमीले एउटा यस्तो कन्सेप्ट फोनको भिडियो प्रस्तुत गरेको थियो जसमा फोन पूर्णतया सिसाले ढाकिएको थियो र यसलाई वाटरफल डिस्प्ले नाम दिइएको थियो।