नबिल बैंकलाई ३ अर्ब रुपैयाँको ऋणपत्र निष्कासन गर्न सेबोनले दियो अनुमति

काठमाण्डौ । नबिल बैंक लिमिटेडले नेपाल धितोपत्र बोर्ड(सेबोन)बाट ऋणपत्र निष्कासनको अनुमति पाएको छ । बैंकले सेबोनबाट ऋणपत्र निष्कासनका लागि असार १२ गते स्वीकृती पाएको हो ।

सेबोनले कम्पनीलाई रु. १ हजार अंकित दरका ३ अर्ब रुपैयाँबराबरको ३० लाख कित्ता भएको ‘ ७ प्रतिशत नबिल डिबेञ्चर २०८९’ नामक ऋणपत्र निष्कासनको अनुमति दिएको छ । बैंकले यसमध्ये १८ लाख कित्ता व्यक्तिगत तवरबाट र १२ लाख कित्ता आम सर्वसाधारणका लागि जारी गर्नेछ ।