.gif)
(2).gif)
_(1).gif)
.png)
काठमाण्डौ । सेयर बजारमा वित्तीय रुपमा अत्यन्त कमजोर कम्पनीको दोश्रो बजार मूल्य पनि चलखेल गरी कसरी माथि पुर्याइन्छ भन्ने पछिल्लो उदाहरण बनेको छ दिव्यश्वरी हाइड्रोपावर कम्पनी । यो कम्पनीले चालु आर्थिक वर्षको दोश्रो त्रैमाससम्मको वित्तीय विवरण सार्वजनिक गरेको छ । अधिकांश मुख्य सूचक दयनीय अवस्थामा पुगेको यो कम्पनीको दोश्रो बजारमूल्य भने प्रतिकित्ता २०० रुपैयाँभन्दा माथि रहेको छ ।
.gif)
यो कम्पनीले दोश्रो त्रैमाससम्ममा १ करोड ४३ लाख रुपैयाँ खूद घाटा व्यहोरेको छ । कम्पनीका अधिकांश मुख्य वित्तीय सूचक धरापमा परेका छन् ।
जस्तो दोश्रो त्रैमाससम्मको कम्पनीको प्रतिसेयर नेटवर्थ ३ रुपैयाँ ४२ पैसाको न्यून विन्दूमा सीमित बनेको छ । वार्षिकीकृत प्रतिसेयर आम्दानी ५.४३ रुपैयाँले ऋणात्मक छ । मूल्य आम्दानी अनुपात ३८.३६ गुणा ऋणात्मक छ । तरलता अनुपात ०.१३ प्रतिशत रहेको छ ।
कम्पनीको बिजुली बिक्रीबाट हुने आम्दानी गत वर्षको यही अवधिको तुलनामा घट्नु, कुल आम्दानीमै पनि गिरावट आउनु, कर्मचारी खर्च बढ्नु, अन्य प्रशासनिक तथा सञ्चालन खर्चमा त झनै ठूलो बढोत्तरी हुनु लगायतका कारणले कम्पनीको नाफा प्रभावित हुन गई मुख्य सूचक निकै खराब बन्न पुगेका हुन् ।
कुल २६ करोड ४० लाख चुक्तापूँजी भएको यो कम्पनीको रिजर्ब २७ करोड ३० लाखले नेगेटिभ बन्न पुगेको देखिएको छ । रिजर्बतर्फको घाटा गत वर्षको भन्दा बढ्दै गएको समेत देखिएको छ ।
कम्पनीको नाममा अल्पकालीन ऋण ५ करोड ४४ लाख रुपैयाँ देखिएको छ भने दीर्घकालीन प्रकृतिको ऋण ५७ करोडभन्दा बढी रहेको छ ।
ऋणैऋणको थुप्रोले थलिएको कम्पनीको आम्दानी घट्दा र खर्च ह्वात्तै बढ्दा अवस्था निकै नै दयनीय बन्न पुगेको हो ।
.png)
(186).jpg)
.jpg)
(1).jpg)
(1).gif)
.gif)
