.gif)
(2).gif)
_(1).gif)
.png)
काठमाण्डौ । जापानका ४ निर्जीवन बीमा कम्पनीहले १३० जना कार्यकारीहरुको तलब ५० प्रतिशतले कटौती गर्ने भएका छन् । कर्पोरेट ग्राहक र सरकारी एजेन्सीहरुको प्रिमियम मूल्य निर्धारण घोटालामा संलग्न रहेको आरोपमा कम्पनीहरुले कार्यकारीहरुको तलब कटौती गर्न लागेका हुन् ।
यससँगै जापानका चारवटा प्रोपटी तथा क्याजल्टी बीमा कम्पनीहरुले फाइनान्सियल सर्भिस एजेन्सी(एफएसए) समक्ष व्यवसाय सुधार योजना समेत प्रस्तुत गरेका छन् । सञ्चालनको बढी मूल्य निर्धारणलाई सुधार गर्न यस्तो कदम उठाउन लागिएको कम्पनीहरुले बताएका छन् ।
टोकियो म्यारिन होल्डिङ इंकले कम्पनीको टोकियो म्यारिन एण्ड निचिडो फायर इन्स्योरेन्स कम्पनी युनिटका सभापति सिनिची हिरोजको मासिक तलब तीन महिनाका लागि ५० प्रतिशतले घटाइने जनाएको छ ।
.gif)
यस्तै युनिटले अध्यक्ष सातोरु कोमियाको मासिक तलब पनि तीन महिनाका लागि ३० प्रतिशतले घटाउने निर्णय गरेको छ । यस्तै कम्पनीले अन्य ५० वटा कार्यकारीहरुलाई समेत सजाय स्वरुप तलब कतौति गर्ने निर्णय गरेको छ ।
यस्तै सोम्पो होल्डिङस् इंकले पनि आफ्ना ग्रुप अन्तर्गतका ५० भन्दा बढी कार्यकारीहरुको तलब कटौती गर्ने जनाएको छ । यसमा ग्रुपका अध्यक्ष तथा सीईओ कंगो साकुरादाको तलब ५० प्रतिशतले घटाउने निर्णय समावेश छ ।
मित्सुई सुमीतोमो इन्स्योरेन्स कम्पनी र एईओइ निस्से डोआ इ्रन्स्योरेन्स कम्पनीले पनि अध्यक्ष,सीईओ लगायतका दर्जभन्दा बढी कार्यकारीहरुको तलब कटौती गर्ने घोषणा गरेको छ ।
चार बीमा कम्पनी गोप्य रुपमा मिलेर कर्पोरेट ग्राहक र सरकारी एजेन्सीहरुको प्रिमियम निर्धारण गरेको पाइएपछि एफएसएले गत डिसेम्बर महिनामा यी चार बीमा कम्पनीलाई आफ्नो सञ्चालन सुधार गर्न निर्देशन दिएको थियो । यो प्रकरण एकभन्दा बढी बीमा कम्पनीहरुले संयुक्त रुपमा अन्डरराइट गर्ने बीमामा घटेको थियो । बीमा कम्पनीहरुले अधिक दाबीबाट बच्नका लागि ठूला ग्राहकहरुका लागि साझेदारयुक्त कभरेज प्रदान गर्ने गर्छन । -एजेन्सी
.png)
.jpg)
.jpg)
(1).gif)
.gif)
