वार्षिक औषत २७% लाभांश दिएको शिखर इन्स्योरेन्सको अबको यात्रा कस्तो ?

काठमाण्डौ । नेपालमा सञ्चालित निर्जीवन बीमा कम्पनीहरुमध्ये एक हो शिखर इन्स्योरेन्स कम्पनी । विसं २०६१ साल मंसिर २ गते निर्जीवन बीमा व्यवसाय सञ्चालन गर्न स्थापना भएको यो कम्पनी सबैभन्दा बढी व्यवसाय भित्र्याउने कम्पनीको रुपमा रहेको छ ।  

बीमा क्षेत्रमा विद्यमान सबै खालका चुनौतीहरुमा आफ्ना ग्राहकको आवश्यकताअनुसार निर्जीवन बीमा सेवा प्रदान गर्नु नै कम्पनीको उद्देश्य हो । ग्राहकको आवश्यकताअनुसार उत्पादनहरु ल्याउनु, बीमा क्षेत्रमा प्राविधिक जनशक्तिको तीव्र अभावको पूर्ति गर्नु, अन्तर्राष्ट्रिय स्तरसँग मेल खाने नयाँ उत्पादनहरु प्रस्तुत गर्नु र बजारभित्रै क्षमताहरु विकास गरी मूल्यवान रुपान्तरणीय विदेशी मुद्राको बाहिरिने क्रमलाई रोक्नु कम्पनीको लक्ष्य रहेको छ ।  

कम्पनीले स्वास्थ्य बीमा, मोटर बीमा, अटो प्लस इन्स्योरेन्स, ट्राभल मेडिकल इन्स्योरेन्स, कृषि बीमा, घर बीमा, दुर्घटना बीमा, हवाई बीमा, सामुन्द्रिक बीमा, र सम्पत्ति बीमा जस्ता २० भन्दा बढी बीमालेखहरु बिक्री गर्दै आइरहेको छ ।  

आधारभूत पक्षः  

यस आर्थिक वर्षको तेस्रो त्रैमासिक प्रतिबेदन अनुसार कम्पनीको चूक्ता पूँजी २ अर्ब ९२ करोड रुपैयाँ रहेको छ । जगेडा कोषमा २ अर्ब ६४ करोड रपैयाँ रहेको छ । कम्पनीको खुद नाफा २५ करोड ७० लाख रुपैंयाँ रहेको छ भने प्रतिसेयर आम्दानी १६.२९ रुपैंयाँ रहेको छ । बुक भ्यालु १९६ रुपैयाँ रहेको छ भने कम्पनीको रिर्टन अन इक्विटी ८.३२ गुणा रहेको छ । कम्पनीको ९ वर्षको वार्षिक औषत लाभांशदर २७ प्रतिशत रहेको छ ।  

प्राविधिक पक्षः  

इलिअट वेभ  

इलिअट वेभमा विभिन्न डिग्रीहरु हुने गर्छन् । त्यस्ता डिग्रीहरुले सानाठूला गरेर एक दिनदेखि एकसय वर्षसम्मको समय अवधिलाई प्रतिनिधित्व गर्छन् । इलिअट वेभमा मूल्य माथि जान पाँच फरक–फरक वेभ हुन्छन् भने तल जान ३ वेभ हुन्छन् ।  

माथि लाग्ने पाँच वेभमा पनि तीनवटा बढोत्तरीका र २ वटा सुधारका देख्न सकिन्छ । यसमा १, ३, ५ बढोत्तरीको हुन्छ भने २ र ४ मा करेक्सनको हुन्छ । वेभ ५ को करेक्सन वेभ ‘ए’ हो । वेभ ‘ए’, ‘बी’, ‘सी’ले मूल्य तथा सूचक तल जाने संकेत दिन्छ ।

यो आधारमा यो कम्पनी हाल वेभ २ को करेक्सनमा चल्दै गरेको देखिन्छ । कम्पनीको सेयरको मुल्य आगामी दिनमा २ देखि पाँचौं वेभसम्म चल्दा सेयरको भाउ १२ सयसम्म पुग्न सक्ने देखिन्छ ।  

फियर एण्ड ग्रिड इन्डेक्सको आधारमा  

यो कम्पनीको सेयर भाउ हाल फियर एण्ड ग्रिड इन्डेक्समा स्ट्रङ बियरिस सेन्टिमेन्टमा चलेको देखिन्छ । यो भनेको कम्पनीको सेयर भाउमा अधिक बिक्री दबाब रहेको छ भन्ने हो । यस्तो इन्डेक्समा यदि ० देखि २० सम्म चलेमा स्ट्रङ बियरिस , २० देखि ४० सम्म बियरिस र ४० देखि ६० सम्म न्यूट्रल , ६० देखि ८० सम्म बुलिस र ८० देखि १०० सम्म स्ट्रङ बुलिस सेन्टिमेन्ट रहेको मानिन्छ ।  

बोलिङ्गर ब्याण्ड , म्याक्डी र आरएसआई  

बोलिङ्गर ब्याण्डको आधारमा यो कम्पनीले हाल मध्य ब्याण्डमा प्रतिरोध सामना गरेको देखिन्छ । म्याक्डीमा यो कम्पनी हाल करिब बुलिस क्रसओभर नजिक देखिन्छ । हिस्टोग्राम नेगेटिभ रहेता पनि फिक्का र छोटा–छोटा हुँदै गएका छन् । आरएसआई ओभर सोल्ड जोनबाट फर्केर हाल ४१ को तहमा चलेको छ । मनी फ्लो इन्डेक्स हाल ओभर सोल्ड जोन १० मा पुगेको देखिन्छ । समग्रमा बिभिन्न इन्डिकेटरबाट नियाल्दा यो कम्पनीको सेयरभाउ ओभर सोल्ड जोनमा चलेको देखिन्छ ।  

पिभट् प्वइन्टः  

पिभट् विश्लेषणमार्फत सेयर तथा डेरिभेटिभको  अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकालिन्छ ।  

बढेमा प्रतिरोध  

प्रतिरोध ३ –८३७

प्रतिरोध २ – ८१४

प्रतिरोध १–७८२

पिभट् प्वइन्टः७५९

घटेमा सपोर्ट  

सपोर्ट १– ७२७

सपोर्ट २– ७०४

सपोर्ट  ३ –६७२

निष्कर्षः दोस्रो बजारमा आधरभूत रुपमा यो कम्पनी राम्रै देखिन्छ । चुक्तापूँजी बराबर नै जगेडा कोष देखिन्छ । अघिल्लो आर्थिक वर्षको यहि समय अवधिको तुलनामा कम्पनीको रिर्टन अन इक्विटी, प्रतिसेयर आम्दानी  र खुद मुनाफा घटेको देखिन्छ । प्राविधिक रुपमा कम्पनीको  मूल्यलाई विभिन्न इन्डिकेटरबाट नियाल्दा ओभर सोल्ड जोनमा चलेको देखिन्छ । यो कम्पनी लगानीकर्ताहरुको लागि मध्यकालिन र दीर्घकालिन लगानीको लागि उपयुक्त देखिन्छ ।  

नोटः सेयर बजारमा लगानी जोखिमपूर्ण हुन्छ । यो विश्लेषण कारोबारका लागि सिफारिस भने होइन ।