यी दुई बीमा कम्पनीले पाए हकप्रद निष्काशनका लागि बोर्डबाट स्वीकृती

काठमाण्डौ । नेपाल धितोपत्र बोर्ड(सेबोन)ले दुई बीमा कम्पनीलाई हकप्रद निष्काशनको स्वीकृती प्रदान गरेको छ । बोर्डले एनएलजी इन्स्योरेन्स र लाइफ इन्स्योरेन्स कर्पोरेशन(एलआईसी नेपाल)लाई हकप्रद निष्काशनका लागि स्वीकृती दिएको हो ।  

एनएलजी इन्स्योरेन्स हकप्रद निष्काशनको अनुमति माग गर्दै गत वर्षको कात्तिक २ गते आवेदन दिएको थियो । यस्तै एलआईसी नेपालले पनि असोज २९ गते बोडसमक्ष आवेदन पेश गरेको थियो ।  

धितोपत्र बोर्डबट स्वीकृती पाएसँगै अब एनएलजी इन्स्योरेन्सले ६६ प्रतिशत(१ः०.६६) र एलआईसी नेपालले ८८.४५१ प्रतिशत(१(०.८८४५१ )हकप्रद जारी गर्नेछन् ।  

एनएलजी इन्स्योरेन्सको हकप्रद निष्काशत तथा बिक्री प्रबन्धकमा लक्ष्मी क्यापिटल मार्केट र एलआईसी नेपालको नेपाल एसबिआई मर्चेन्ट बैंकिङ रहेका छन् ।